Link açıqlığı

Qırımtatar Milliy Meclisiniñ reisi Refat Çubarovnıñ fikirince, Rusiye, Ukraina topraq bütünligine qoltutuv mitinginde iştirak etkeni içün mahküm etilgen qırımtatar milliy areketi liderleriniñ birisi Ahtem Çiygoznı vefat etken anasınen vedalaşmaq imkânından marum qaldırdı. Bunı Çubarov iyülniñ 2-de Facebook saifesinde yazdı.

«Qardaş, dost, ortağımız Ahtem Çiygoz anasını soñki yolğa ozğarmağa imkânından marum qaldı... Bu imkândan onı 2014 senesi fevral ayında Qırımnı işğal etken ve Ahtemni azatlıqtan marum qaldırğan Rusiye marum etti», – dep yazdı Çubarov.

Aynı vaqıtta Ahtem Çiygoznıñ advokatları iyülniñ 2-de vefat etken anasınen vedalaşmaq imkânı berilmesini talap etecek ola.

Qırımtatar faali Nariman Celâl cenaze iyülniñ 2-de saat 14.00 Bağçasaray rayonınıñ Topçiköy (Dolinnoye) köyünde qılınacaq, dep yazdı.

İyünniñ 15-de Kreml kontrol etken Qırım Yuqarı mahkemesi eki buçuq yıldan berli SİZOda yatqan Ahtem Çiygoznıñ imayesi bergen hasta anasınen körüşme muracaatını red etken edi.

Bundan evel Qırımtatar Milliy Meclisiniñ reisi, Ukraina halq deputatı Refat Çubarov Qırımnıñ siyasiy mabüsi Ahtem Çiygoznıñ anası hasta olğanını haber etken edi.

İyünniñ 20-de Ahtem Çiygoznı Aqmescit SİZOsından gizli şekilde çıqarıp, Bağçasarayda hasta anasınen körüşmege imkân berdiler. Ahtem Çiygoz izolâtorğa keri ketirildi, anasınen körüşken soñ mahkeme oturışına devam etip olamadı.

Ahtem Çiygoz 2015 senesi yanvar ayında 2014 senesi fevralniñ 26-da Qırım Yuqarı Şurasınıñ binası ögünde Ukrainanñ territorial bütünligine qol tutulmasına bağışlanğan mitingde iştirak etkeni içün tutulğan edi. O zaman miting iştirakçılerine Rusiye tarafdarları, şu cumleden «Russkoye yedinstvo» firqasınıñ temsilcileri qol tutqan edi.

«Çiygoz davasını» Rusiye mahkemesi qapalı toplaşuvda: qırımtatar Meclisi yolbaşçısınıñ muavini sıfatındaki Ahtem Çiygozniñ davası olaraq ve ayrıca, davanıñ eki iştitakçisi olğan Ali Asanov ve Mustafa Degermenci davası şeklinde ekige ayıraraq, «26 fevral» davası çerçivesinde baqmaqta.


XS
SM
MD
LG