Link açıqlığı

Rusiyede politsiya Qırımnıñ siyasiy mabüslerine qoltutuv aktsiyasınıñ iştirakçilerine para cezasını berdi


Rusiyeniñ paytahtı Moskvada Rusiye politsiyası iyünniñ 30-da «Siyasiy mabüsniñ künü» aktsiyasınıñ iştirakçilerini tuttı. Olar er ay zemaneviy Rusiyede siyasiy mabüslerge qoltutmağa çıqalar. Bunı faallerniñ birisi Vera Lavreşina Qırım.Aqiqatqa tarif etti.

Onğa yaqın faal siyasiy mabüsler, şu cümleden qırımlı ukrain rejisseri Oleg Sentsovnıñ adınen levhalarnı, qırımtatar ve Ukraina bayraqlarını köterdi.

«Bugün «Siyasiy mabüs künü», onı er ay qayd etemiz. Asılında, endi er kün siyasiy mabüs kününi qayd etmek mümkün. Çünki adamlarnı toqtamayıp tutalar. Eñ «bulançıq» madde – ekstremizm, terrorizm. Misal olaraq, Emil Kürbedinov, Qırım advokatı, tezden er bir qırımtatarına qarşı iş açılacaq, dep ayta», – dep qayd etti faal.

Aktsiya vaqtında Rusiye politsiyasınıñ hadimleri altı iştirakçini tutıp, Tverskov içki işler bölügine alıp ketti. Faaller aqşam tutulğanlar azat etildi, er birine Rusiye Memuriy cinayetler kodeksiniñ 20.2 maddesiniñ 5-inci noqtasına (toplaşuv, miting, numayış, yürüş ya da piket keçirilmesiniñ nizamına zıt kelgen areketler – QA) köre protokollar tizildi, dep bildirdi.

Moskva muhalifet faalleri siyasiy mabüslerni azat etmek, Ukrainağa qarşı Rusiye istilâsını toqtatmaq, Qırımnı işğalden azat etmek talaplarınen barışıq piket ve aktsiyalarğa muntazam sürette çıqalar. Sankt-Peterburg ve Moskva faalleri 1944 senesi mayısnıñ 18-i qırımtatar sürgünligi künü munasebetinen «Strategiya-18» adlı müddetsiz aktsiyağa birleşkenler. Er aynıñ 18-de faaller şeer soqaqlarına çıqıp, işğal etilgen Qırımdaki vaziyetni ikâye ete, Rusiye cemiyetini insan aqlarınıñ bozulmasınen tanış eteler.

XS
SM
MD
LG