Link açıqlığı

Ahtem Çiygoznıñ apayı: Avropa halqları aqayımnıñ azat etilmesine yardımcı olacağına işanam


Qırımtatar milliy areketiniñ yetekçilerinden biri Ahtem Çiygoznıñ ömür arqadaşı Elmira Ablâlimova, «avropa halqlarınıñ ailesi» onıñ aqayını azat etmek içün er şeyni yapacağına ümüt etkenini bildirdi.

Bunı Ablâlimova iyünniñ 29-nda Avropa Şurası Parlament Assambleyası (PACE) binasında yapqan çıqışında bildirdi. Ablâlimovanıñ nutuğını Qırımtatar Milliy Meclis azası Eskender Bariyev Facebookta yayınladı.

«Men ümüt etem ve işanam ki, avropa halqlarınıñ büyük ailesi, öz ğayretini birleştirip, qanunsız surette apiste tutılğan aqayım Ahtem Çiygoznıñ azat etilmesini içün er şeyni yapar», – dedi Ablâlimova.

Bunen beraber o Ahtem Çiygoznıñ anası ögünde «soñki vazifesini» eda etmesi içün onı desteklemege çağırdı. Ablâlimovanıñ sözlerine köre, anasınıñ alı pek fenalaştı.

İyünniñ 28-nde, çarşenbe künü, Avropa Şurası Parlament Assambleyası binasında «Qırım Künü» keçirildi. Merasimde diplomatlar, elçiler ve Avropa İsnan aqları Mahkemesiniñ vekilleri iştirak ete bildi.

Ahtem Çiygoz 2015 senesi yanvar ayında 2014 senesi fevralniñ 26-da Qırım Yuqarı Şurasınıñ binası ögünde Ukrainanñ territorial bütünligine qol tutulmasına bağışlanğan mitingde iştirak etkeni içün tutulğan edi. O zaman miting iştirakçılerine Rusiye tarafdarları, şu cumleden «Russkoye yedinstvo» firqasınıñ temsilcileri qol tutqan edi.

«Çiygoz davasını» Rusiye mahkemesi qapalı toplaşuvda: qırımtatar Meclisi yolbaşçısınıñ muavini sıfatındaki Ahtem Çiygozniñ davası olaraq ve ayrıca, davanıñ eki iştitakçisi olğan Ali Asanov ve Mustafa Degermenci davası şeklinde ekige ayıraraq, «26 fevral» davası çerçivesinde baqmaqta.

XS
SM
MD
LG