Link açıqlığı

Logvinskiy: PACE deputatlarına Qırımdan Ahtem Çiygoznıñ mesacı yetkizildi


Avropa Şurası Parlament assambleyasınıñ deputatlarına Qırımdaki siyasiy taqiplerge bağışlanğan «tögerek masada» qırımtatar milliy areketi liderleriniñ birisi Ahtem Çiygoznıñ mesacı berildi. Bunı iyünniñ 29-da Avropa Şurası Parlament assambleyasında Ukraina Yuqarı Radası daimiy eyyetiniñ reis muavini Georgiy Logvinskiy ayttı.

Onıñ bildirgenine köre, PACE deputatlarına muracaatnı Çiygoznıñ ömür arqadaşı Elmira Ablâlimova seslendirdi.

«Meclis reisiniñ muavini Ahtem Çiygoznıñ Qırım apishanesinden mesacı. Men kimim ve ne içün küreşem? Bu sualniñ cevabını bugün PACE deputatları ömür arqadaşı Elmira Ablâlimovadan Qırımdaki siyasiy taqipler aqqında tögerek masada eşittiler. Mesele şunda ki, «Qırım – Ukraina» vesiqalarına rey bergen 600-den ziyade PACE deputatı, işğalcilerniñ mantığına köre, mabüsler saflarında olmalı. Demokratiya ve aq salonında qabaatlarnıñ sahte olğanını ve Rusiye akimiyetiniñ alçaqlığını añlatmaq kerekmiz», – dep aytıla Logvinskiyniñ Facebook haberinde.

Georgiy Logvinskiyniñ aytqanına köre, «tögerek masada» uquq qorçalayıcılar, Qırımtatar Milliy Meclisiniñ vekilleri, Ahtem Çiygoznıñ advokatı Nikolay Polozov maruzanen çıqışta bulundılar.

Logvinskiyniñ qayd etkenine köre, tedbir maqsadı – «Ahtem (Çiygoz – QA) ve Ukraina azatlığı oğrunda küreşken er kes – Ukraina aqqında aman-aman bütün halqara vesiqalarda qayd etilgen Avropa qıymetleri, esasları içün küreşkenini añlatmaq», ve tedbir iştirakçileriniñ Qırımdaki ukrain siyasiy mabüsleri içün küreşmek çağıruvlarına qoltutqanıdır.

Avropa Şurası Parlament assambleyasında «Qırım künü» keçirildi. Diplomat, elçi, Avropa insan aqları mahkemesiniñ qadıları tedbirde iştirak ettiler.

Ahtem Çiygoz 2015 senesi yanvar ayında 2014 senesi fevralniñ 26-da Qırım Yuqarı Şurasınıñ binası ögünde Ukrainanñ territorial bütünligine qol tutulmasına bağışlanğan mitingde iştirak etkeni içün tutulğan edi. O zaman miting iştirakçılerine Rusiye tarafdarları, şu cumleden «Russkoye yedinstvo» firqasınıñ temsilcileri qol tutqan edi.

«Çiygoz davasını» Rusiye mahkemesi qapalı toplaşuvda: qırımtatar Meclisi yolbaşçısınıñ muavini sıfatındaki Ahtem Çiygozniñ davası olaraq ve ayrıca, davanıñ eki iştitakçisi olğan Ali Asanov ve Mustafa Degermenci davası şeklinde ekige ayıraraq, «26 fevral» davası çerçivesinde baqmaqta.


XS
SM
MD
LG