Link açıqlığı

Saatnıñ esas haberi

AB Rusiyege qarşı kirsetilgen sanktsiyalarnı 2018 senesine qadar uzattı


Avropa Birligi Rusiyege qarşı kirsetilgen iqtisadiy sanktsiyalarnı 2018 senesi yanvarniñ 31-ne qadar uzattı, dep bildire Azatlıq Radiosınıñ Brüsseldeki muhbiri Rikard Jozwiak. Qarar iyünniñ 28-nde qabul etildi.

Beklenilgenine köre, qarar iyünniñ 29-nda AB Resmiy mecmuasında derc etilip küçke kirecek.

İyünniñ 22-nde Avropa birliginiñ prezidenti Donald Tusk bildirgenine köre, AB yetekçileri Brüsselde keçken sammitte, Minsk añlaşmalarını yerine ketirmegeni sebebinden Rusiyege qarşı açılğan iqtisadiy sanktsiyalarnıñ uzatılması boyunca añlaştılar.

Rusiyege qarşı belli bir saanen bağlı iqtisadiy sanktsiyalarnıñ uzatılması aqqındaki qarar Avropa birligi tarafından yazılı protesedura mücibi Almaniya kantsleri ve Frenkistan prezidentiniñ tavsiyeleri esasında qabul etile.

ABD, Avropa Birligi ve diger ğarp devletleri Rusiyege qarşı kirsetilgen sanktsiyalar bir qaç basamaqtan ibaret edi – ilk başta Qırımnıñ zapt etilmesi, ondan soñ – Donbassta üküm sürgen ve Moskva tarafındfan qoltutulğan silâlı dava sebebinden.

Avropa Birliginiñ Rusiyeniñ belli bir saalarına qarşı kirsetken şiddetli sanktsiyalarınıñ muddeti iyül ayında bitecek

XS
SM
MD
LG