Link açıqlığı

Saatnıñ esas haberi

Aqyarda musluqlardan mavı suv aqtı – körgen adamlar


Aqyarda iyülniñ 28-nde gece suv musluqlarından mavı renkte «sabunğa beñzegen tortalı» suv aqntı. Bunı Qırım.Aqiqatqa yerli sakinler haber etti.

«Gece saat üçlerde men balanı aşattım, onıñ şişesini yuvğanda ise musluqtan içine añlaşılmağan mavı suv aqtı. Yuqulı olıp, ne olğanını da añlamadım. Böyle suvdan soñ bala savutını qaynatıp yuvmağa mecbur oldım. Şeerniñ suv ağına neler tökülgeni añlaşılmay. Endi bu suvnı içmege de qorqarsıñ», – dedi yerli sakin Yelena.

Aqyarnıñ «Vodokanal» sitesinde şeerniñ 17 soqağında qazaiy işlep alıp barılğanı aqqında haber etilgen. Mavı suv aqmasınıñ sebepleri bildirilmey.

Rusiye Qırımnı zapt etken soñ Ukraina yarımadanı Dnepr özeninen birleştirgen Şımaliy-Qırım ağından suvını kesti. Qırımnıñ 85% istimalını bu ağ vastası ile Ukraina qapata edi.

XS
SM
MD
LG