Link açıqlığı

Ukraina Devlet sıñır hızmeti: biometrik pasport alacaq olğan qırımlılar içün bir telüke yoq


Biometrik pasport, nümüneviy resim

Ukraina Devlet sıñır hızmeti Kreml kontrol etken Qırım akimiyetiniñ ukrain biometrik pasportını resmiyleştirmege istegen işğal etilgen yarımada sakinleri esas Ukrainada apiske alına bile kibi laflarını inkâr etti.

«Uydurılğan bir şey, raqiplerimiz daa bir kere aqılsızlığını kösterdi», – dep qayd etti Ukraina Devlet sıñır hızmeti reisiniñ birinci muavini Vasiliy Servatük.

Servatükniñ video izaatını Facebookta Ukraina haber siyaseti naziriniñ birinci muavini Emine Ceppar derc etti.

Kreml kontrol etken işğal etilgen Qırımnıñ baş nazir muavini Georgiy Muradov çetelge çıqmaq içün ukrain biometrik pasportını resmiyleştirecek olğan yarımada sakinlerini esas Ukrainada apis cezası bekley, dep bildirgen edi.

İyünniñ 11-den itibaren vizasız rejimni qullanmağa istegen ukrainler biometrik pasport almalı. Sıñırcılarnıñ talabı üzerine ziyaret maqsadı ve şartlar, maddiy vaziyeti ve diger malümatlarnı bermek kerekler.

İyünniñ 11-de ukrainler içün Avropa Birligi ve «şengen» memleketlerine qısqa müddetli (er 180 künde 90 künge qadar) ziyaretler şartınen vizalar lâğu etildi. Vizasız rejim Büyük Britaniya ve İrlandiyadan ğayrı, Avropa Birliginiñ bütün devlet-azaları ve AB tışında «şengen alanı» memleketleri içün keçelidir. Şimdilik bu rejim Felemenk ve Frenkistannıñ sözde «yurttışı mülkine» ait degil.

XS
SM
MD
LG