Link açıqlığı

Macron Anna Yaroslavnanıñ emiyetini ayrıca ifadeledi


Frenkistan qıraliçesi Anna Yaroslavnanıñ abidesi, Senlis, Frenkistan, arhivden alınğan resim

Frenkistan prezidenti Emmanuel Macron, Ukraina devlet yolbaşçısı Petro Poroşenkonen körüşken soñ Ukraina ve Frenkistan arasındaki tarihiy bağ olğanını qayd etti ve Kyiv knâzi I Yaroslavnıñ qızı olğan Frenkistan qıraliçesi Annanıñ şahsiy emiyetlini ayrıca añdı.

«Eki devletimiz arasında qadimiy bağlar, pek teren tarih bar, ve siz (Poroşenko – QA) bügün buña vaqıt ayırdıñız, Anna Kyivska hatırasını añdıñız. Bizim eski munasebetlerimizniñ tamırını tuttırğan XI asırnıñ qadim tarihımız ne qadar emiyetli olğanını kösterdiñiz», – dedi o.

Petro Poroşenkonıñ matbuat kâtibi Svâtoslav Tsegolko, Paristeki muzakerelerden soñ prezident Senlis şeerinde Anna Kyivskanıñ abidesine güller ketirip qoyacağını bildirdi.

Mayıs ayında Macron ile körüşken soñ Rusiye prezidenti Vladimir Putin Frenkistan qıraliçesi Anna «rus» olğanını aytqan edi.

1051 senesi, dünyada Anna Kyivska kibi nam qazanğan Anna Yaroslavna, Kyiv knâzi I Yaroslavnıñ ve isveç printsessası İngegerdnıñ qızı olıp, Frenkistan qıralı I Henrinin apayı oldı ve qıraliçe vazifesine keçken edi. Bu tarih, Moskva qasabasınıñ peyda olmasından ve 1147 senesi ilk kere yazılı vesiqalarda añılmasından evel amman-aman yüz yıl ögüne yer alğan edi. Ancaq bir-qaç asır soñra bu şeer etraftaki topraqlarnı birleştirip, devlet qura bildi ve Kievska Rus (Kyiv Knâzlığı) adını özüne alıp – «Rus» çarlığı oldı, soñra ise bizans telâfuzında «Rossiya», «Rus imperatorlığı» olaraq tarihke kirdi.

Qadimiy ukrain devletiniñ adını özüne almaqnen – zemaneviy Rusiye eski Kyiv devletiniñ ve Kievska Rus knâzlığınıñ devlet adamaları «rus» olğanları etrafında ayrı dava alıp barımaq ve özüne uyğun olacaq beyanatlar seslendirmek içün sebep qazana.

XS
SM
MD
LG