Kyivde iyünniñ 26-da Qırımtatar bayraq künü munasebetinen bir sıra tedbir keçirilmesi planlaştırıla. Avtoyürüş ve Mustaqillik meydanında miting olacaqtır. Bunı Milliy Meclis azası Riza Şevkiyev matbuat konferentsiyasında bildirdi.
«Qırımtatar ve Ukraina bayraqlarınen avtoyürüş olacaq, saat 16:00 Bolşevik alış-veriş merkezi yanında başlay. Saat 18:30-da maşinalar Hreşçatıkke, Bogdan Hmelnıtskıy soqağınıñ köşesine kele. Saat 18:00 Maydanda bala programması olacaq, bala resimleri yarışı. Saat 18:30-da Bogdan Hmelnıtskıy çaprazından Maydanğa qadar büyük bayraqlı yürüş olacaq, anda ise miting keçirilecek», – dep tarif etti Meclis azası.
Riza Şevkiyev Kyiv sakinleri ve musafirlerini tedbirlerge qoşulıp, qırımtatarlarğa qoltutmağa çağırdı.
Bazarertesi künü, iyünniñ 26-da, qırımtatarlar Milliy bayraq kününi qayd ete. Bayram künü olaraq 1991 senesi iyünniñ 26-27-de Aqmescitte keçirilgen ekinci Qırımtatar Milliy Qurultayınıñ birinci künü belgilengen edi.
Qırımtatar bayrağı altın tamğalı kök bayraqtır.
