Link açıqlığı

Bağçasarayda Hanlar Sarayında bir sıra bedava kontsertler ötkerilecegi ilân etilgen


Bağçasarayda Hanlar Sarayı, nümünelik fotoresim

Bağçasasray muzey qoruğınıñ 100 yıllığı munasebetinen Hanlar Sarayında bir sıra bedava kontsertler ötkerilecek. İlk kontsert bazar knünü, iyünniñ 18-nde olacaq. Bu künü «Tavriya» vokal ve horeografiya ansambliniñ 40-qa yaqın artisti çıqış yapacaq. Bu aqta, muzey qoruğınıñ müdirligine atıf etip, Qırım turistik portalınıñ sitesinde bildirilgen.

«Ansablniñ orkestri, baleti, hor ve solo sanatçıları iyünniñ 18-nde saat 19:00 qoruq musafirleri ögünde rus, qırımtatar, yeudi, çingene ve başqa milliy yırlarnı icra etecek», – dep bildire müdirlik.

Bayram kontsertleri sırasındaki nevbetteki merasimler çerçivesinde iyülniñ 1-nde Qırım filarmoniyasınıñ kamera orkestri, iyülniñ 22-nde «Tavriçeskiy blagovest» kamera horı, ve soñki olıp «Haytarma» ansabli avgustnıñ 5-nde çıqış yapacaqlar.

Bütün konstlerni, evelden qayd olunıp, bedava seyir etmege mümkündir.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG