Rusiyede apis etilgen ukrain jurnalisti Roman Suşenkoğa psihiatrik ekspertiza tain etildi. Bunı «Twitterde» onıñ advokatı Mark Feygin haber etti.
Advokatnıñ sözlerine köre, Suşenko bu ekspertizanı iyül ayında keçecektir.
Ukrain jurnalisti, «Ukrinform» agentliginiñ Frenkistandaki mahsus muhbiri Roman Suşenko, sentâbr 30 künü Moskvada yaqalanğan edi. O Rusiyege şahsiy işlerinen, soy-sopını ziyaret etmek içün kelgen edi. Rusiye Federal telükesizlik hızmeti onı casuslıqta qabaatlap, onı «Ukraina Mudafaa nazirliginiñ Baş istihbarat idaresiniñ hadimi» olaraq tanıta.
Rus taqiqatçıları oña qarşı «casuslıq» qabaatı boyunca cinaiy dava başlattı.
Suşenko bütün iddialarnı red ete. Ukrain tarafı jurnalistke atılğan qabaatlar esassız olğanını beyan et eve onı azat etmege talap ete.
