Ukraina telükesizlik hızmeti (SBU) domen adlarınıñ qaydı etilmesi ve idare faaliyetinde rusiyeli «Yandex» ve «Mail.ru» poçta servislerini qullanmamaqnı tevsiye ete. Bu aqta iyünniñ 17-nde SBU mektübine esaslanaraq, Ukraina İnternetçiler-birligi haber etmekte.
««* ua», «* ukr» zonasındaki domen adlarınıñ saipleri tarafından ameldeki qanunnıñ şartları bozulğanı tespit edildi. Hususan, domen adlarını işletüvde, prezidentniñ emrine binaen hususiy sıñırlamalarkirsetilgen rusiyeli «Yandex» ve «Mail.ru» poçta servisleri qullanmaqta», – denilmekte vesiqada.
SBU öz saifesinde vaziyetnen bağlı iç bir izaat bermey.
Mayısnıñ 15-nde Ukraina prezidenti Pötr Poroşenko öz emirinen Ukraina milliy telükesizlik ve mudafaa Şurasınıñ, Rusiyeli bazı vatandaşlar ve şirketlerine nisbeten yañı sanktsiyalar kirsetmekni közde tutqan qararını küçke kirsetti. Bu cedvelge kirgen 468 şirket arasında, hususan «Yandex» servis hızmeti, «VKontakte» «Odnoklassniki» ictimaiy ağları da bardır. Qararğa istinaden, internet-provayderler añılğan internet-resurs kirişlerini blok etmege mecburlar.
Ukraina milliy mudafaa ve havfsızlıq hızmeti, Rusiye ictimaiy ağları vastasınenUkrainağa qarşı informatsion tecavuz yapılğanı aqqında bildirilmekte.
Yuqarı memuriy mahkeme Poroşenkonıñ qararınıñ lâğu etilmesinen bağlı davanı baqıp çıqaraq, iyünniñ 14-nde işbu vesiqa küçke saip olğanını tasdıqlağan qararnı qabul etkendir.
