Link açıqlığı

Saatnıñ esas haberi

Qırım dağlı yerler içün trolleybus satın alğan


Qırımda şeerler arasında qatnaması içün Rusiyeniñ «Trolza» zavodından dağlı yerde tez areket etken 44 dane trolleybus satın alındı. Bu aqta iyünniñ 16-nda TASS informatsion agentligine, işbu trolleybuslar içün hususiy sürüci azirlanmasinda iştirak etken novosibirskli «İrbis» şirketiniñ müdiri Leonid Muzalevskiy bildirdi.

«Bu yerge (Qırımğa –QA) şeerler arasında dağ yolları boylap qatnaycaq 44 trolleybus ketirildi. Tik yoquşlardan keçmek kerek olğanından, oña daa qattı talaplar qoyula ve trolleybus şeerler arasında qatnaycağı içün, o tez yürmek kerek. Bu trolleybuslarnıñ donatması, şeer içinde çalışqan soylarına köre daa da küçlü», – dep qayd etti Muzalevskiy.

Mayısnıñ 1-nden itibaren Aqyar trolleybuslarında qatnav fiyatı 15 rublegece (6,5 grivna civarında – QA) köterildi. Ancaq mayısnıñ 4-nde Aqyar trolleybusinde qatnav fiyatı 3 rublege yani 15-ten 12 (5,5 grivna civarında – QA) rublege ucuzladı. Ondan evel KHV (SMİ) haber etkenine köre, Aqyarnıñ rusiyeli akimiyeti trolleybus naqliyesi içün Moskvağa subsidiya berilmesi isteginen muracaat etkeni belli.

XS
SM
MD
LG