Link açıqlığı

Bahçasaray camisinde ağa-qardaş Umerovlar iftar teşkil etecekler


İyünniñ 17-si cumaertesi künü Bahçasarayda qırımtatar halqınıñ yetekçilerinden biri olğan İlmi Umerov ve onıñ dört qardaşı mübarek Ramazan ayında musulmanlar içün iftar teşkil etecekler. İftarğa qorantanıñ dost-eşi ve bütün bahçasaraylılar davet etile. Bu aqta Umerov özüniñ Facebook saifesinde yazmaqta.

«Yarın, iyünniñ 17-nde bahçasaraynıñ 6-ncı mikrorayonındaki camide bizler, bei ağa-qardaş olaraq (İlmi, Bekir, Femi, Reşat, Ruslan) iftar keçiremiz. Bahçasaraylılarnen beraber qarantamıznı tanığanlarnı davet etemiz» – dep yaza Umerov.

2017 senesi Ramazan ayındaki musulmanlarnıñ orazası mayısnıñ 26-ndan iyünniñ 24-ne qadar devam etecek.

Aman-aman bir ay devamında, İslâm dinini kütkenlerniñ episi, kün devamında aş aşamaqtan, suv ve tütün içmekten vazgeçerek oraza tutması farz. Er aqşam oraza saati bitken soñ, iftar yapılır – yani Ramazan ayındaki aqşam yemegi aşalır. İftar yerli saatqa köre, aqşam namazı vaqtın doğru kele.

XS
SM
MD
LG