Link açıqlığı

Ukrainalı uquq qorçalayıcılar Qırımda vesiqalrnıñ kütleviy teşkerilüvi aqqında bilmege areket eteler


Olga Skripnik, arhivden alınğan fotoresim

Ukrainalı uquq qorçalayıcılar iyünniñ 15-nde Urojaynoye qasabasında Qırım sakinleriniñ evinde ötkerilgen kütleviy vesiqa teşkerilüvinen bağlı malümat almağa areket eteler. Bu aqta Qırım.Aqiqatqa Qırım uquq qorcalayıcı gruppasınıñ reberi Olga Skripnik bildirmekte.

«Şimdilik bizler, bu malümat tasdıqlanğanı ve pasportlarnen bağlı böyle bir reydler keçirilgenini bilemiz. Tutulğanlar aqqında malümat yoq, lâkin gizlilikke qarışılqanları aqqındaki malümat tasdıqlanmaqta», – dep qayd ete Skripnik.

İyünniñ 15-nde qırımtatar Meclis azası Eskender Bariyev özüniñ Facebook saifesinde, Urojaynoye qasabasında Rusiyeli küç-quvvet hadimleri yerli sakinlerniñ evlerinde, pasport teşkermek maqsadınen reyd keçirgenleri aqqında yazmaqta. Quvvet hadimleri vesiqa teşkerilüvini qasabanıñ, «Qırım sıñır zonasında» bulunması sebebinden yapılmaqta dep köstereler.

Qırım işğal etilgen soñ yarımadada mustaqil jurnalistler, qırımtatar milliy areketi faalleri, Meclis azaları ve Rusiyede yasaqlanğan «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG