Link açıqlığı

Rospotrebnadzor Qırımda ruhsetsiz çalışqan bala lagerleri tapqan


Rospotrebnadzor işğal etilgen Qırımda rusiyeli idare tarafınıñ ruhseti olmadan çalışqan eki dane bala tedavi lageri olğanını ortağa çıqarğan.

«2017 senesi ötkerilegen teftiş-nezaret tedbirleri esnasında region reyestrine kirmeden Tula, Kemerovo, Çuvaşistan Cumhuriyeti ve Qırım Cumhuriyetindeki Rospotrebnadzor organlarına malümat bermeden çalışmağa başlap, 340 balanıñ raatlanıvi teşkil etken beş dane sağlamlaştıruv merkezi meydanğa çıqarıldı», – denilmekte idareniñ haberinde.

Sağlıqlıq tüzetüv merkezleriniñ faaliyeti toqtatıldı, dep bildirmekre matbuat hızmeti.

İdare angi bir lagerler aqqında söz yürsetilgeni aqqında bir izaat bermey.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG