Link açıqlığı

Saatnıñ esas haberi

Çubarov: «Qırım işğali bitken soñ, istilâ vaqıtında kelgenler ketmek kerek»


Qırımtatar Milliy Meclis reisi Refat Çubarovnıñ fikirine köre, Qırım Ukrainanıñ nezaretine qaytqan soñ, 2014 senesi fevralniñ 20-nden başlap kelgenler ketmek kerek olacaq. Onıñ sözlerine köre, bu eñ azından 200 biñ adam olmaq mümkün. Bunı Çubarov «5 kanal» efirinde ayttı.

«Bizler, ukrain tertibiniñ ve ukrain akimiyetiniñ kirmesini ve yerli akimiyetniñ teşkil etilmesini muvafaqiyetli keçirmek içün kerekli çare ve tedbirlerge azırlanmaq kerekmiz. Bu endi yarımadanıñ «temizlenüvi» olacaqtır. Aytqanlarım pek doğru añlaşılğanını ister edim. Stalinge oşap yüz biñlernen adamlarnı alıp atacağımıznı demeymiz», –dep qayd etti Meclis reisi.

O dedi ki, birinciler sırasında «Ukrainağa, Qırım toprağına hainlik etken, qırımtatarlarnı qatil etken bütün bu goblinler mıtlaq qaçacaq».

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG