Link açıqlığı

Qırımnıñ Devlet kadastr hadimleri zayıf çalışqanları sebebinden işten boşatılmaq mümkün


Kremlniñ nezaretinde çalışqan Qırım akimiyetiniñ Devlet qayd etüv ve kadastr komitetiniñ reisi Aleksandr Spiridonov, toplaşuv devamında öz hadimlerini, zayıf çalışqanları sebebinden, işten çıqaracağınen tehdit etti. Bunı iyünniñ 15-nde müessiseniñ matbuat hızmeti haber etti.

«Reisniñ er bir muavini kerekli vekâleteler qazandı ve mesüliyetindeki saada olarnıñ semereli şekilde kerçekleşmesini teminlemeli. Bu aqta avale endi imzalanğan. İdare eyyetinde öz vazifesiniñ mecburiyetlerini zayıf eda etkenler cezalanmaq mümkün, ve atta rutbesinden endirilmek ya da vazifesinden boşatılmaq mümkün», – dep qayd etti Spiridonov.

Müessisede bildireler ki, «Devlet kadastr komitetinde, kadrlar erkânını saqlap, büyük deñişmeler ötkerile».

Keçende, taqiqat organları tarafından Qırım Devlet kadastr komiteti Yalta şeer bölüginiñ hadimine qarşı cinaiy iş açılğanı belli oldı. O hadim Aluştada topraq damartılarınıñ qayd etilüvi vaqıtında qanunnı bozğan. Devlet kadastr komitetiniñ hadimine qarşı atılğan qabaatnıñ cezası – dört yılğa qadar apis müddeti olmaq mümkün.

XS
SM
MD
LG