Ukraina milliy mudafaa ve havfsızlıq hızmetiniñ (SNBO) kâtibi Aleksandr Turçinov Rusiye arasında viza kirsetilmesinen bağlı ğayege qoltutmaqta. Bu aqta o, iyünniñ 14-nde «İnterfaks-Ukraina» informatsion agentligine bergen intervyusında söz yürsetti.
Turçinov vizalar kirsetilgence Ukrainağa kirecek Rusiye vatandaşlarınıñ yalıñız biometrik pasportı olğanlarğa musaade etmek kerek, dep saya.
Böylelikne SNBO kâtibiniñ fikrine binaen, Ukraina öz topraqlarına kirecek «duşman agent ve terroristlerinden» ancaq bu şekilde qorçalanması mumkün.
Daa evel Ukraina Tışqı işleri naziri Pavel Klimkin, Rusiye vatandaşlarınıñ Ukrainağa kirişi yalıñız Rusiye-Ukraina sıñırını kesip keçmege niyeti olğanı aqqında «evelden biligilendirmesi» şartınen yapılmaq kerek degen teşebbüske qoltutqan edi.
Rusiye prezidentiniñ temsilcisi Dmitriy Peskov, viza kirsetilgen taqdirde Rusiye aynı şekilde cevap berecegini beyan etken etti.
