İnsan aqları boyunca Birleşken Milletler teşkilâtınıñ baş komissarı İdaresi (OHCHR) esabına köre, Rusiye işğal altındaki Qırımda 4575 dane devletnen şahıslarğa ait taşınmaz mal obyekti musadere etkendir. Bu aqta OON (BM) Ukrainada insan aqları boyunca Monitoring missiyasınıñ, Ukrainadaki insan aqlarınen bağlı vaziyetke bağışlanıp derc etilgen maruzasında söz yürsetilmekte.
«2014 senesi mart ayında Qırımda keçken referendumdan soñ başlanğan ve Rusiye Federatsiyası qanunına binaen «milliyleştirüv» denilerek, devlet ile şahıslarğa ait hususiy mülkniñ musaderesi devam ettirilmekte. 2017 senesi mayısnıñ 12-sine qadar 4575 dane devletke ve şahıslarğa ait taşınmaz obyekt«milliyleştirilgendir»», – denilmekte haberde.
Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
