Ukraina ve Hırvatistan ükümetleri «Ukrainanıñ işğal altındaki topraqlarını» reintegratsiayası meselelerinen oğraşacaq iş gruppasınıñ teşkil etilüvini bağlı ve işbirligi boyunca Memorandum imzaladı. Bu aqta mayısnıñ 13-nde «Urâdovıy portal» bildirmekte.
«Hırvatistan Cumhuriyetiniñ baş naziri Andrey Plenkoviç Hırvatistan Ukrainanı Rusiye tecavuzına qarşı olğan cereyanında qoltutqanını, Qırım istilâsını iç bir vaqıt tanımaycağını ve Kyivnen vaqtınca işğal etilgen topraqlarnıñ barışıq yolunen reintegratsiya yapuv tecribesinen paylaşmağa ıntılğanını qayd etti», – denilmekte haberde.
Matbuat hızmetinde, iş gruppası Minsk añlaşmaları ve Normandiya formatı çerçivesinde işğal altındaki topraqlardaki vaziyetni çezüv mehanizmlerini işlep çıqaracağı aqqında aytılmaqta.
Ukraina bai naziri Vladimir Groysman Hırvatistan tecribesi Kyiv içün pek muim olğanını qayd etti.
Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
