Link açıqlığı

BM Rusiyeni Meclisniñ yasağını lâğu etmege çağırdı – maruza


Birleşlken Milletler Teşkilâtınıñ İnsan Aqları Yüksek Komisarlığı (OHCHR) Rusiyege hitaben, qırımtatar halqınıñ vekillerine qarşı, şu cümleden Milliy Mecliske de qarşı qabul etilgen sıñırlamalarnı lâğu etmege ve tekrar qabul etmemege çağırdı. Bu aqta Ukrainada BM İnsan aqları boyunca Nezaret missiyası tarafından derc etilgen, insan aqlarınıñ Ukrainadaki vaziyetine bağışlanılğan, maruzasında aytıla.

«Rusiye Federatsiyasınıñ akimiyetine... qırımtatar toplumınıñ öz temsil organlarını, şu sırada Meclisni, qorumaq imkânlarına qarşı sıñırlamalarnıñ saqlanuvı ya da qabul etüvinden vazgeçmek», – dep aytıla Rysiyege yöñelgen muracaatta.

Rusiyege bağlı olğan Qırım Yuqarı Mahkemesi aprel 26 künü Meclisniñ areketini toqtatmaq qararını alğan edi. Meclisniñ imayesi Rusiye Yuqarı Mahkemesine şikâyet arizasını yollağan edi. Sentâbr 29-da Rusiye Yuqarı Mahkemesi şikâyet arizasına cevap olaraq Qırımtatar Milliy Meclisiniñ faaliyetini yasaq etti.

Dünya toplulığı rus akimiyetiniñ böyle faaliyetine qatiyen qarşı çıqtı.

XS
SM
MD
LG