Link açıqlığı

«Umerovnıñ davasında» nevbetteki toplaşuvda qabaatlayıcı tarafnıñ şaatları soraştırılacaq – imayeci


Rusiye tarafından istilâ etilgen Qırımda separatizmde qaabaatlanğan Qırımtatar Milliy Meclis reisiniñ muavini İlmi Umerovğa qarşı mahkeme davasınıñ nevbetteki oturışında eki şaat öz ifadelerini seslendirecek. Bunı Qırım.Aqiqatqa iyünniñ 12-nde imayeci Aleksandr Podrabinek tarif etti.

«Bu adamlar, sözde, ameliyat-aqtaruv tedbirlerinde iştirak etken cemaatçılar. Yani, olarnı soqaqtan alıp, FSB hadimlerinen beraber keçmege rica ettiler, anda Umerovnıñ çıqışını seyir ettrdiler ve olar, bu video-yazı mevcut olğanını, o internetten alınıp DVD diskte saqlanğanını ve davağa qoşulğanını tasdiqlamaq kerekler. Bu yerde Umerovnı mahküm etecek iç bir şey yoq», – dedi Podrabinek.

İyünniñ 7-nde işğal etilgen Qırımda Kremlniñ nezaretindeki Aqmescit rayon mahkemesi İlmi Umerov davasınıñ esasını baqıp başladı.Er afta çarşenbe künleri mahkeme oturışları olacağı haber etile.

2016 senesi FSB taqiqatçıları İlmi Umerovqa qarşı ektremizm maddesi boyunca cinaiy iş açqan edi. Qırımtatar milliy areketiniñ belli iştirakçisi, qırımtatar Meclisi reisiniñ muavini olğan İlmi Umerovnıñ tutulıp alınuvı, evindeki tintüv ve oña qarşı cinaiy işniñ açılması, mecburiy surette mahkeme-psihiatrik ekspertizanıñ keçirilmesi içün onıñ delihanege yerleştirilmesi – cemiyette ve dünyada rezonans çıqarğan edi.

İlmi Umerovnıñ özü bu mahkeme davası sımarışnen yapılğanını, ükümi ise – evelden belli olğanını tüşüne, ve taqiqatçılar, stenogramma kibi tanıtılağan sözme-söz tercimeniñ lisaniy ekspertizasını qullanıp, añlamlarnı qarıştırğanını ayta.

XS
SM
MD
LG