Link açıqlığı

Saatnıñ esas haberi

Aqmescitte devlet hadimleri Rusiye Künü bayramına çıqmağa mecbur etile


Aqmescitte Rusiye Künü, 2016 senesi, nümünelik fotoresim
Aqmescitte Rusiye Künü, 2016 senesi, nümünelik fotoresim

Aqmescitte memurlar bazı devlet müesseseleriniñ hadimlerinden iyünniñ 12-nde Rusiye Künü munasebetinen teşkil etilgen bayram merasimlerinde iştirak etmelerini talap etti. Bunı Qırım.Aqiqat muhbiri bildire.

Tasil müessisesiniñ hadimlerinden biri, müdirlik tarafından bütün hadimlerge şeerniñ merkezinde yürüşte iştirak etmege ve Lenin meyadanında bulunmağa emir etilgenini haber etti. İşçiler, bayram kününde çalışmağa mecbur olğanları içün aylıq maaşlarına bir şey qoşulmaycağına açuvlandı, albu ki, qomşu Rusiyeniñ qanunlarına köre, maaş arttırılmaq kerek edi.

İstilâ etilgen Qırımda iyünniñ 12-nde Rusiye Künü bayramına bağışlanğan merasimler teşkil etildi.

Qırımnıñ şeerlerinde tantanalı merasimler ötkerilecek. Ayrıca, Aqmescitte çeşit flashmob, matröşka (ananeviy rus oyuncağı) boyalama dersleri, canlı eykeller kösterüvi, yürüşler ve Lenin meydanında icadiy taqımlarnıñ kontsert programması ötkerilecektir.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG