Aqmescitte iyünniñ 10-nda, cumaertesi künü yağğan küçlü sağanaqtan sebep şahsiy müessiseler saipleri zarar kördi, dep haber ete Qırım.Aqiqatnıñ muhbiri.
Eñ çoq yağanaqlar tüşken yerlerde market ve kafelerni suv bastı. İlk evelâ: demiryol vokzalı civarında, Moskva alqası etrafında, Pobeda cedesinde, em de Raketnaya, Kuban, Kiyev ve Tolstoy soqaqları yanında.
Market sipleriniñ biri Qırım.Aqiqatqa dedi ki, taşqın aqibetinde bina içindeki mal yararsız alğa keldi. Onıñ sözlerine köre, zararnıñ kölemi 50 biñ rublege yaqın oldı. Bu çeşit türlü ğıda mahsulatı ve şırınlıqlar edi.
Aqmescitniñ demiryol vokzalı yanında ava afatından sebep bir-qaç yol qazası yüz berdi, bir-qaç trolleybus ve yengil maşna suvda qaldı. Bu maşnalarnıñ bazıları endi tamir etilmek kerek.
İyünniñ 10-nda Aqmescitte yağğan sağanaqtan soñ şeerniñ Demiyol rayonınıñ bir qısımnı ve şahsiy sektorde bir-qaç soqaqnı suv bastı.
«Qırım gidrometeorologiya ve etraftaki müitniñ nezaret idaresi» tarafından bildirilgen malümatqa köre, iyünniñ 10-nda Aqmescitte küçlü saqanağ devamında asılında orta esapnen bir ayda yağması kerek olğanı qadar yağanaqlar tüşken.
