Link açıqlığı

Qırım müftiyatı acılıqqa baracaq acılarnıñ vesiqa azırlamasını tezleştire


Qırım ve Aqyar şeeri musulmanlarınıñ diniy idaresi (QMDİ) acılıqqa baracaq acılarğa muracaat eterek, biometrik pasportlar azırlanması içün vesiqalarını erte yarıq teslim etmelerini rica etti. Bu aqta iyünniñ 6-nda QMDİniñ matbuat hızmeti bildirmekte.

«Qırım ve Aqyar şeeri musulmanlarınıñ diniy idaresi acılıqqa baracaq musulmanlarnı, vesiqalarını erte yarıq teslim etmelerini rica ete, çünki biometrk pasportlarnıñ azırlanması vaqıt ala ve viza alınması da buña bağlıdır», – denilmekte haberde.

Matbuat hızmetinde bildirilgenine köre, askerlikke alınacaq yaşta olğanlar askerlik bölüginden arbiy cedvelde qayd olğanına dair tezkere ketirmek kerekler.

2016 senesi Qırımdan acılıqqa 370 insan barğan edi.

Acılıq İslâm dininiñ esas beş «şartlarından» biri olaraq, sağlıq şikâyeti olmağan er bir musulman ömürinde iç olmağanda bir kere olsa da, acılıqqa barmaq kerek.

QMDİ 2014 senesi Rusiye Qırımnı işğal etken soñ öz işlerini Meclisnen devam etmekni kesti. 2016 senesi noyabrniñ 19-nda 14 qırımtatar diniy cemaatı Kyivde keçken qurultayda öz müftiyatını saylâdı.

XS
SM
MD
LG