Kyivde iyünniñ 7-si çarşenbe künü qırımtatar tedqiqatçı ve tarihçısı Gülnara Bekirovanıñ «Yarım asırlıq qarşılıq: qırımtatarları sürgünden avdetke (1941-1991 seneleri). Siyasiy tarih oçerki» adlı kitabınıñ taqdimnamesi ve muzareresi ötkerilecek.
Taqdimnamede Pılıp Orlık demokratiya İnstitutınıñ eksperti Natalya Belitser, qırımşınas-tarihçı, «Qırım insaniy platforma» cemaat teşkilâtınıñ koordinatorı Andrey İvanets, qırımtatar halqı Meclisiniñ reisi, Ukraina halq deputatı, kitapqa berilgen soñsöz muellifi Refat Çubarov çiqiş yapacaqlar.
Tedbir saat 18:00de Poloniya ve Avropa merkeziniñ NaUKMA studiyasında ötkerilecek.
Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
