Link açıqlığı

Ukrainanı duşman dep sayğan rusiyelilerniñ sayısı maksimumğa yetti – sorav


Rusiyeliler memleketniñ eñ büyük duşmanları ABD, Ukraina ve Almaniya olğanını aytalar. Ve Ukraina Rusiyeni duşmanca davrana dep tanığanlarnıñ sayısı evelkisine köre daa ziyade artaraq, 50% teşkil etmekte. «Levada-tesntr» teşkil eteken soñki soravnıñ neticeleri böyledir.

«Levada-Center» keçirgen soravğa neticelerine köre, «duşmanca davranğan devletler» cedveliniñ yetekçisi ABD olıp qalmaqta. Rusiyelilerniñ 70% olarnı duşman dep saya, lâkin soñki yıllarda onıñ köstergiçi tüşkeni körüne.

Almaniya, Latviya ve Litva duşman dep sayğanlarnıñ sayısı aynı yani 24 faizni teşkil etmekte. Bu arada soravdan keçken Rusiye vatandaşlarınıñ yarısı, Moskva halqara izolâtsiyada bulunmaqta dep esaplasa, aman-aman yarısı da aksini iddia etmekte.

2016 senesi «duimanlar» cedvelinde bulunğan Türkiye üçünci yerden on birinci yerge avuştı.

Rusiyeliler Beyazrusiye, Çin, Kazahstan, Suriye ve İndistannı eñ yaqın «dost» dep tanımaqta.

Donbassta 2014 senesi arpel ayından berli devam etken davada Rusiye, onıñ arbiyleriniñ iştirak etkenini ep inkâr ete. Rusiye Ukrainanıñ şarqına silâ ve arbiylerini yollağanı aqqında Kyiv ve Ğarp ep aytıp kelmekte. Moskva ise Donbassta yalıñız Rusiyeden kelgen «göñülliler» bulunğanını tanımaqta.

BMT bergen soñki malümatqa köre, Ukrainannıñ şarqında arbiy dava başlanından berli epsi olıp 10 biñ insan elâk olğan.

XS
SM
MD
LG