İyünniñ 5-nde, bazarertesi künü Qırımnıñ memuriy sıñırında «Çonğar» keçit noqtası yanında büyük sayıda maşlalar toplanğanı körüne. Bunı Qırım.Aqiqatqa Ukraina sıñır hızmeti Berdânsk sıñır otrâdınıñ matbuat hızmeti yolbaşçısı Nelâ Dotsenko haber etti.
«Çonğar» nezaret noqtası yanında 60 maşna beklep turmaqta, piyade ketkenlerniñ tizilgeni körünmey», – dedi Dotsenko.
Onıñ sözlerine köre, ukrain sıñırcıları nevbetler peyda olmasınıñ sebebini rus hızmetleriniñ nezaretindeki keçit noqtalarında yiberüv ceryanı yavaşlağanınen bağlay.
Dotsenko dey ki, nevbet sırasında aldatuvlarnıñ olmaması ve maşlarnıñ nezaret etilmesi içün ukrain sıñırcıları esap talonlarını berip, soñra teşkire.
Evel, iyünniñ 3-nde Qırımnıñ memuriy sıñırında beklep turğan maşnalar sırası peyda olğanı aqqında haber etilgen edi. Rus sıñırcaları bu vziyetni şimdige qadar izaatlamadı.
Qırım 2014 senesiniñ başında Rusiye tarafından işğal etilgen soñ Ukrainanıñ ana qısmı ve yarımada arasında memuriy, lâkin asılında tam bir «sıñır» peyda oldı. Memuriy sıñırda «Kalançak», «Çongar» ve «Çaplınka» kiriş-çıqış kontrol noqtaları çalışmaqta.
