Rusiye ükümetiniñ yolbaşçısı Dmitriy Medvedev türk pamidorından ğayrı, Türkiyeden aşayt mallarınıñ ketirilmesinen bağlı yasaqnı lâğu etken qararnı imzaladı.
İyünniñ 2-si, Cuma künü Rusiye ükümetiniñ saifesinde derc olunğan vesiqağa binaen, türk şirketleri tarafından Rusiyede qurucılıq işleriniñ yapılmasınen bağlı yasaq da lâğu etildi.
Bu afta içinde bir qaç kün evel Rusiye prezidenti Vladimir Putin Türkiyege nisbeten uyğulanğan sanktsiyalarnıñ qısmen lâğu etilmesinen bağlı fermannı imzalağan edi. Ferman mayısnıñ 3-nde, Putin Türkiye prezidenti Recep Erdoğannen Soçide yapqan körüşüvi esnasında qabul etilgen edi.
Rusiye 2015 senesi noyabr ayında türk qırıcı uçaqları Suriye sıñırında rusiyeli bombardıman uçağını urup tüşürgende, rusiyeli eki arbiy elâk olğan edi. Rusiye Türkiyege ketecekler içün turist yollanmalarınıñ satılmasını ve bazı mallarnı kirişini yasaqlap, türk işçilerini işke alınmasını sıñırlağan edi.
