Link açıqlığı

Saatnıñ esas haberi

Stavropolyede suv taşqınından zarar körgenlerge aşayt ve suv Qırımdan ketirile


Suv taşqını, numünelik fotoresim
Suv taşqını, numünelik fotoresim

Rusiye MÇS hızmetiniñ Qırım idaresi mayısnıñ 2-nde suv taşqınından zarar körgen qomşu Rusiyeniñ Stavropolye ülkesi sakinlerine insaniy yardım yollağan. Bu aqta idareniñ matbuat hızmeti bildirmekte.

«İnsaniy yardımnıñ esas qısmını aşayt malları ve içilecek suv teşkil etmekte. Epsi olıp 5 tonnağa yaqın yük toplandı. Al-azırda er kes pek yahşı tanığan Rusiye MÇS hızmetiniñ beyaz «Kamaz» maşnası aşayt mallarınen beraber artıq Mineralniye vodı şeerine doğru yolğa çıqtı, anda ise mallar, suv taşqınından zarar körgen insanlarğa dağıtılacaq», – denilmekte haberde.

Kreml nezaretindeki Qırım MÇS hızmetiniñ yolbaşçısı, idare daa evel o regionğa 30 dane ışıq qullesi yollağanı aqqında ayttı.

Soñki eki afta devamında Rusiyeniñ Stavropolye ülkesi soñki yarım asır devamında ilk sefer şiddetlı suv taşqını körmekte. Otkaznenskiy suv ambarınıñ dambasında eşilme telükesi olğanı sebebinden mayısnıñ 29-nda 60 biñ insan tahliye etilecegi aqqında ilân etilgen edi.

Ülke gubernatorınıñ matbuat hızmeti bergen malümatqa köre, suv taşqınından 8 biñge yaqın insan zarar körgen.

XS
SM
MD
LG