Link açıqlığı

Saatnıñ esas haberi

SMİ: Qaradağ Qırım istilâsına alâsı olğan 149 Rusiye ve Ukraina vatandaşınıñ ülkege kirmesini yasaqladı


Qaradağdaki sıñır noqtası, numünelik fotoresim
Qaradağdaki sıñır noqtası, numünelik fotoresim

Qaradağ akimiyeti Qırımnıñ istilâsı ve Donbasstaki arbiy çatışmanen alâqası olğan 149 Rusiye ve Ukraina vatandaşını devletniñ topraqlarına kirmesini yasaqladı. Bu aqta Blic ve Pobjeda gazetaları bildirmekte.

«Qara cedvelge» hususan, Rusiye baş naziriniñ muavini Dmitriy Rogozin, Telükesizlik Şurasınıñ kâtibi Nikolay Patruşev, tışqı keşfiyat Hızmetiniñ müdiri Sergey Narışkin ve Çeçenistan yolbaşçısı Ramzan Kadırov kirmekteler.

Qırım.Aqiqat Ukrainadaki Qaradağ Elçihanesi işbu malümat tasdıqlaycağına dair haber almağa tırışa.

Rusiye prezidentiniñ matbuat kâtibi Dmitriy Peskov cuma künü, Qaradağ qabul etken yasaqlav tedbirlerinden haberi olmağanı aqqında ayttı, dep bildirmekte «İnterfax» agentligi.

Bundan evel SMİ, baş nazir Duşko Markoviç (Duško Marković) ve parlament spikeri İvan Brayoviç (Ivan Brajović) bir çoq qaradağlı siyaset erbaplarınıñ Rusiyege kirişi yasaq etilgeni aqqında haber etken edi. Daa evel Sotsialistler Demokratik firqasınıñ temsilcisi Miodrag Vukoviçniñ Rusiyeden quvulğanı aqqında bildirilgen edi.

Moskva ve Podgoritsa arasındaki munasebetler, Qaradağ Avropa Birliginiñ Rusiyege qarşı kirsetken sanktsiyalarına qoşulğanından ve ülkeniñ iyunde bitecek olğan NATOğa kirişinden soñ bozulıp başladı.

2016 senesi keçken saylâvlardan soñ, akimiyet Rusiye tarafdarı olğan siyasetçiler iştirakinen devlet avdarması teşebbüsleriniñ ögüni keskeninen bağlı beyanatları neticesinde, Moskva yañı Qaradağ ükümetinen alâqa qurıp olamağan edi.

XS
SM
MD
LG