Link açıqlığı

Aqmescitte bir qasabanıñ sakinleri içün gaz berüvi kesilecek


Aqmescit mikrorayonlarından birinbe, qırımtatarlarnıñ toplu yaşağan qasabasında «Grımgazset» şirketiniñ ilânları peyda oldı. Evlerge gaz berilmeycegi aqqında ilân etile. Bunı Qırım.Aqiqat muhbiri haber ete.

İlânlarda gaz boruları tamirlenecegi haber etile. Ev sakinlerine bütün gaz qurnalarını qapatmağa ve gaz aletlerini «Gorgaz» hadimleriniñ kelgenlerine qadar qullanmamağa rica etile.

«Ancaq «Gorgaz» hadimleri 100% bütün dairelerdeki gaz aletlerini baqıp çıqqan ve gaz borularını teşkerip alğan soñ» gaznıñ berilüvi devam etilecegi bildirile. Bunen beraber «Krımgazset», sakinlerge muracaata bulunıp, iş içün hadimleriniñ kirişine izin bermege rica ete.

2016 senesi avgust ayında «Çernomorneftegaz» Qırımnı qomşu Rusiyenen bağlaycaq gaz borusını qurmağa niyetli olğanını beyan etken edi.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG