Link açıqlığı

Putin Türkiyege qarşı uyğulanğan sanktsiyalarnıñ bir qısmını lâğu etken qararnı imzaladı


Rusiye prezidenti Putin Türkiyege qarşı uyğulanğan sanktsiyalarnıñ bir qısmını lâğu etken qararnı imzaladı.

Olar arasında Türkiye vatandaşlarınıñ işke celp etilüvinen bağlı yasaq lâğu etildi ve türk şirketleriniñ Rusiyede çalışmasına izin berildi.

Ayrıca Putin Rusiye tışqı işler nazirligine Türkiye ükümetine qarşılıqlı siyahatlar tekrar başlatılğanı aqqında bildirmesini avale etti.

Rusiye 2015 senesi noyabr ayında türk qırıcı uçaqları Türkiye Suriye sıñırında rusiyeli bombardıman uçağını urup tüşürgende, rusiyeli eki arbiy elâk olğan soñ, Türkiyege qarşı sanktsiyalar kirsetken edi. Rusiye Türkiyege ketecekler içün turist yollanmalarınıñ satılmasını yasaqlap, türk işçilerini işke alınmasını sıñırlayaraq, bazı mallarnı kirişini yasağlağan edi.

Putin Türkiye prezidenti Recep Tayip Erdoğannen körüşkende bütün sıñrlavlarnıñ lâğu etilecegi boyunca añlaşqan ediler. Lâkin türk pamidorlarınıñ Rusiyege kirmesinen alâqalı yasaq alâ daa devam etmekte.

XS
SM
MD
LG