Link açıqlığı

Saatnıñ esas haberi

Qırım memurlarınıñ evi ögüne çöplük töktürgeni içün Aksönov paranen cezalandı


Kreml nezaretindeki Qırım ükümetiniñ yolbaşçısı Sergey Aksönov, istilâ altında bulunğan Qırımdaki rusiyeli memurlarnıñ evleri ögüne çöplük tökülmesini teşkil etkeni içün paranen cezalandı. Bu aqta mayısnıñ 30-nda Aksönov Qırımnıñ rusiyeli ükümetiniñ öz binası tışında keçirgen toplaşuvında ikâye etti, dep bildire «RİA Novosti».

«Sizlerge paranen cezalanğanım aqqında haber etem. Cezanen razım», — dey Aksönov. Qırımnıñ rusiyeli yolbaşçısı para cezasınıñ miqdarı aqqında iç bir şey aytmadı.

Martnıñ 13-nde Kreml nezaretindeki Qırım yolbaşçısı Sergey Aksönov, Aqmescit memuriyetiniñ rusiyeli yolbaşçısı olğan Gennadiy Baharevnen yapqan körüşüvi esnasında Aqmescitten ve ruhsetsiz tökülgen çöplük alanlarından bir afta zarfında çöplükniñ çıqarılmasını talap etken edi.

Aprelniñ 28-nde temizlik içün mesül olğan eki dane Qırım memurınıñ qapısı ögüne bayağı bir çöplük tökülgen edi. Rusiye nezaretindeki ekologiya ve tabiat menbaları naziri Gennadiy Narayevniñ aytqan sözlerine köre,böyleliknen Qırımnıñ rusiyeli yolbaşçısı olğan Sergey Aksönovnıñ, öz vazifelerini eda etip olamağan memurlarını cezalaycağınen bağlı sözü yerine ketirilgen olıp çıqtı.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG