Link açıqlığı

Senator McCain: Rusiye prezidenti Putin «İslâm devletinden» ziyade telükeli


John McCain

Amerikalı senator-cumhuriyetçi John McCain prezident Vladimir Putinni dünya barışığı içün IŞİD («İslâm devleti») ekstremistik teşkilâtındandan ziyade telüke teşkil etmekte dep ayttı.Bu aqta o, salı künü Avstraliyanı ziyaret etken vaqıtta bergen intervyusında söz yürsetti.

McCain Rusiye ABD keçken prezident saylâvlarına qarışqanında qabaatlanğanı içün, Senat sanktsiyalarını daa ziyade küçlendirir dep ümit ete. Onıñ aytqanına köre Rusiye, Birleşken Devletler «qarşısına çıqqan eñ büyük musibettir», dep saya.

McCain – Kremlnen beraber şahsen Vladimir Putinni eñ eski tenqitçisi olıp kele. Keçken mayıs ayında, ABD prezidenti Donald Trumpnıñ Rusiye MİDiniñ yolbaşçısı Sergey Lavrovnen yapqan körüşüvi izaatlar eken, senator soñkisini Putinniñ «Aleppodaki hastahanelerni bombalağan, Ukrainağa bastırıp kirgen ve Qırımnı çekip almağa istegen» «marionetkası» dep adlandırğan edi.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG