Link açıqlığı

Qırım sakinleri içün AB kirsetken viza sıñırlavlarnıRusiye «genotsid» dep adlandırmaqta


Rusiye Tışqı işleri nazirligi işğal altındaki Qırım sakinlerine nisbeten Avropa birligi kirsetken viza sıñırlavlarını «genotsid» dep adlandırmaqta. Bu aqta mayısnıñ 30-nda Rusiye MİD yolbaşçısınıñ muavini Aleksey Meşkov Rusiye Cemaat palatasında çıqış yapqan vaqıtta beyaz etti.

«Bizim AB yapqan körüşüvlerimizniñ umumen iç birisinde bu mesele yani Avropa birliginiñ Qırım sakinlerine nisbeten kirsetken, ilk evelâ viza genotsidi meselesi köterilmeden keçmey», – dep bilidrire Meşkovnıñ sözlerini «RİA Krım».

Onıñ sözlerine köre, Moskva Brüsselnen bu problem boyunca «ağır cenk alıp barmaqta».

2015 senesi yaz aylârında Rusiye MİDi Avropa birligi Qırım sakinlerine nisbeten «viza cenki» açqanında qabaatlağan edi. Böyle bir beyanat, Avropanıñ resmiy pozitsiyasınen bağlı olıp, Qırım sakinleri daa evel olğanı kibi, vizalarnı Ukrainada bulunğan elçilik ve konsullıqlarda almaq kerekler degen şartı sebebinden meydanğa kelgen edi.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG