Gurzufnıñ yalı kenarında ticaret noqtaları ve qavehaneler yıqıla. Olarnı Qırımnıñ rus akimiyeti qanunsız dep tanığan. Bunı mayısnıñ 17-nde Qırımnıñ rus ükümetiniñ «ruporı» «Krıminform» saytı bildire.
Yıqma işlerini OOO «Spetsstroy» ve SK «Universal» yapıp, bir afta içinde bitirecegini aytalar. Berilgen malümatqa köre, «Şarm» qavehanesi, «Seyf» ve «Taverna «Lidiya» restoranları endi yıqıldı.
Yerli akimiyet yalı kenarını tamir etip temizleyler, dep bildire.
Soñki üç yıl içinde Qırımda yıllarnen turğan bir sıra inşaat yıqtırıldı. Yaltadaki Primorskiy plâjında «Hottabıç» qavehanesi yıqılğan soñ saibi Aleksandr Strekalin özüni ateşke berdi. Yalta yalı kenarındaki «Yeda» restoranı ve Aqmescitteki Kozlov soqağında bazar yıqılğanda da büyük rezonans olğan edi.
