Link açıqlığı

Qırım uçağı Rusiyede acele qondı – kütleviy haber vastaları


Salı künü, mayısnıñ 30-nda, Aqmescit seferili uçaq Rusiyeniñ Samara şeerinde acele qondı. Bunı Kuybışev naqliyat prokurorınıñ yardımcısı Maksim Voroşilov tarif etti, dep bildire «RİA Krım».

«Yekaterinburg – Aqmescit seferini kerçekleştirgen uçaq Moskva vaqtına köre saat 06.45-te acele qondı. Uçaqta 10 yaşında bala yaramadı. Oğlannı Seredavin hastahanesine alıp kettiler», – dedi Voroşilov.

Onıñ aytqanına köre, uçaq Moskva vaqtına köre saat 8.10-da uçuşına devam etti.

Ukraina Qırım üzerindeki ava boşluğından mesülietli olğan devlet olaraq Qırım ava limanlarını ve ava areketleri içün boşluqnı qapattı. Rusiye ava şirketleri yasaq olğanına baqmadan, işğal etilgen Qırım uçuşlarını kerçekleştirmege devam ete.

XS
SM
MD
LG