Keçken künü Moskva ve civarlarında yüz bergen qasırğa qurbanlarınıñ sayısı 14-ke qadar arttı. Rusiye akimiyetiniñ malümatına köre, qasırğa neticesinde 11 insan Rusiye paytahtında ve daa üç kişi Moskva vilâyetinde elâk oldı.
Moskvada qasırğa 4 saat devam etip, tereklerni tamırlarınen qoparıp aldı, elektrik ağlar ve damlarnı yoq etti. Moskva sakinler ava bozulacağına dair bir malümat almağan ediler.
Ekimlerniñ malümatına köre, 168 insan hastahanelerge muracaat etti, yaralanğan 108 kişi arasında 22 bala bar. Sekiz insannıñ alı ağır olıp qala.
Rusiye akimiyeti qasırğa sebebinden 7000 insan elektriksiz qalğanını bildirgen edi.
Moskva şeer yolbaşçısı Sergey Sobânin saatta 110 kilometr süratlı ruzgâr sebebinden 3500 terek yıqılğanını bildirdi.
