Link açıqlığı

Qırımda mesken yerlerniñ tarihiy adları ile cıyıntıq taqdim etildi


Qırımda yarımada mesken yerleriniñ tarihiy adlarınıñ cıyıntığı taqdim etildi. Bu aqqında «Krım» teleradiokompaniyasınıñ levhasında aytıla.

«O (cıyıntıq – QA), tek tarihnı sevgenler içün degil, reabilitatsiya etilgen vatandaşlarnıñ ayrı problemlerini çezecek akimiyet vekilleri içün de meraqlı olur», – dep aytıla haberde.

Cıyıntıqnıñ birinci cemisi biñ daneni teşkil etti, lâkin ileride o da arttırılacaqtır. Tarihiy adlar cıyıntığı İnternette elektron şeklinde de olacaq.

Haber etilgeni kibi, Kyivde 2014 senesi Qırım işğali aqqında kitap taqdim etilecek. Prezentatsiyası Knijnıy Arsenal çerçivesinde olacaq. Tedbir iştirakçileri bu kitapnıñ müellifleri ve qaramanlarınen laf ete bilecekler.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG