Kyivdeki Amerikan evinde mayısnıñ 20-nde Qırımtatar medeniyetiniñ festivali ötkerilmekte. Bunı Qırım.Aqiqat mühbiri haber ete.
Tedbirde çeşit sergiler numayış etildi, qına qoyma, tamğa örme, fes yapma ve çölmekçilik dersleri oldı.
«Qırım ailesi» bala ansambliniñ kontserti de keçirildi.
Festival çerçivesinde «Tarihiy hatıra qırımtatar medeniyetiniñ faktorı olaraq» adlı munaqaşa ötkerile. Onı Qırım.Aqiqat teşkil ete. Munaqaşada tarihçı, jurnalist, ekspert ve medeniyet erbapları iştirak ete.
Aqşam üstü Qırım aqqında vesiqalı filmler festivali olacaq. Onıñ çerçivesinde «Qırım. Boysunmağan», «Qırım. Pobediteley ne sudât», «Jamala.UA» ve «Qırım. Kak eto bılo» filmleri kösterilecek.
