Link açıqlığı

QMC prokuratırası Geniçeskte Qırım sakinlerini qabul ete


QMC prokurorınıñ muavini Sergey Popov

Qırım Muhtar Cumhuriyeti prokuraturasınıñ hadimleri vatandaşlarnı Geniçeskte qabul etip başladı. Bunı Qırım.Aqiqat muhbirine QMC prokurorınıñ muavini Sergey Popov haber etti.

«O yerde qabul etmekniñ sebebi ya da kerkligi nedir? Bu qabul etüvler vatandaşlarnıñ yaşağan yerlerine mümkün olğanı qadar yaqın olmasıdır. İdaremiz, vatandaşlar içün, olarnıñ menfaatı ve aqlarını qorçalamaq meseleleride muracaat ete bilsinler dep, ayda eki kere tışta qabul etüvni kerçekleştirmege qarar aldı. Bu yerde em menzil uquğı, em territoriya saylamaq aqqı, em de Ukraina qanunlarında yer alğan başqa uquq qorunacaqtır», – dedi Sergey Popov.

Onıñ sözlerine köre, Geniçeskte ayda eki kere qabul etüvler ötkerilecek. Prokurorlarğa Qırım sakinleri, köçkenler, 1944 senesi qırımtatar halqı sürgünliginde zarar körgenler ve şaatlar muracaat ete bile.

2015 senesi dekabr ayında QMC prokuraturası, 1944 senesi qırımtatar halqı ve başlğa milliy toplulıqlar Qırım SSCB topraqlarından sorbalıqnen sürgün etilgenini taqiq etip başlağan edi. Ukraina Baş prokuraturası, İosif Stalinni ve Lavrentiy Beriyanı qırımtatar halqına qarşı genotsid yapqanlarında şeklegenini ilân etti.

XS
SM
MD
LG