Rusiye akimiyeti, Rostov-na-Donu şeerinde terakt teşkil etmekte şeklegen Ukraina vatandaşı Artur Panov, Avropa insan aqları mahkemesine şikâyet yolladı, dep bildire«Kavkazskiy Uzel» neşiri Panovnın mektübine esaslanaraq.
Advokat arqalı yollanğan mektüpte Panov, Avropa konventsiyasına istinaden onıñ serbestlik ve toqunmamazlıq aqları bozulğanı, ayrıca adil mahkeme keçirlmesini talap etmektedir. O, Rusiyeden Ukrainağa keri qaytarılmasını ve Kyivdeki ükümet, üçünci taraf sıfatında işbu davağa celp etilmek kerek olğanını qayd etmekredir.
19 yaşında Artuq Panov 2015 senesi dekabr ayında Rostov vilâyetinde Rusiye-Ukraina arasındaki sıñırnı keçken arada, Rusiyede terakt teşkil etmekte şeklenerek tutulıp alınğan edi. Fevralniñ 14-de Rostov-na-Donu şeeri Şimaliy-Kavkaz arbiy vilâyet mahkemesinde onıñ davası baqılmağa başlağan edi. Panovnen beraber mahkemege, ukrainalığa «yardım etmekte qabaatlanğan» rostovlı talebe de celp etildi.Apiste bulunğan Artur Panov açlıq ilân etkendir.
