Estoniya akimiyeti Narvadaki Rusiyeniñ baş konsulı Dmitriy Kazenov ile konsul Andrey Surgayevni persona non grata olaraq ilân etkeni sebebinden, olar ülkeni terk etmege mecbur olmaqtalar, dep bildire Estоniya MİDine atıf etken Delfi agentligi.
Estoniya MİD temsilcileri diplomatlarğa mütenasip nota taqdim etkenini tasdıqladı. Nazirlik konsullar ülkeni ne sebepten terk etmege mecbur etilgenini bildirmemektedir.
Rusiye MİDi malümatnı tasdıqlap, işbu areketni «cevapsız qaldırılmaycaq nevbetteki duşmanca ve esassız adım» dep adlandırdı.
Baltik ülkeleri olğan Litvaniya, Latviya ve Estoniya, Moskva ukrain Qırımını zapt etip, Donbasstaki separatistlarge qoltutqanından soñ, Rusiyeniñ tecavuz yapma ihtimalinden raatsız olğanlarını bildirmekteler.
Üç dane Baltik ülkesi SSSC terkibinden ayrılğan soñ 2004 senesi NATOğa kirgen edi. Olar ayrıca ABDnen eki taraflama añlaşma imzalap, öz topraqlarında ordu ve tehnika yerleştirilmesi içün yol açqan ediler.
