Link açıqlığı

Saatnıñ esas haberi

Aqyar-Aqmescit arasındaki trassanıñ tamirlev fiyatı yarım million dollarğa arttı


Masrafı Aqyar bücetinden ayırılması planlaştırılğan Aqyar-Aqmescit arasındaki trassada omurılğan qısımnıñ tamirlenüvi içün, daa 30 million ruble (tahminen 530 biñ dollar – QA) masraf etmek kerek olacaq.Bu aqta qırım jurnalistlerine işğal etilgen Aqyarnı,ñ vazifege vaqtınca tayin etilgen valisi Dmitriy Ovsânnikov ikâye etip bergendir.

«Yolnıñ bu qısmını tamirlemek içün masraf 100 million rublege yetip qalır», – dep bildire «Krıminform» Ovsânnikovnıñ sözlerini.

Ovsânnikov artıq, yolnıñ tamirlenüvi içün 70 million ruble (1 million 200 biñ dollar – QA) ayırılğanı aqqında aytqan edi. Albuki, işni yapacaq teşkilâtnen tizilgen añlaşma 25 million ruble teşkil ete edi (440 biñ dollar – QA).

Şeerniñ şimdiki yolbaşçısı, kerek olğan aqçanñ episi ayırılacağına işandırdı.

Aqyarnıñ Rusiyeli yolbaşçıları, trassanıñ bu qısmınen bağlı tamirlev işleri iyülniñ 25-ne qadar bitirileceginden emin ve bütün işlerni leyhacılar nezaret etecek.

«İşler yapılğan arada esnasnı, Rusiye transport nazirligi tarafından qabul etigen leyhanı azırlağan nezaretçiler bar. Onıñ içün ekspertiza işniñ ketişatını taqip etecek», – dep qayd etti Ovsânnikov.

Mart ayında Aqyar-Aqmescit yolunıñ bir qısmında yol çöküp başlağanından soñ, bir qaç kün devamında trassa üzerinde 300 metr uzunluğında çuqur peyda olğan edi.

XS
SM
MD
LG