Link açıqlığı

Saatnıñ esas haberi

Poroşenko: Qırımnıñ Rus istilâsı – bütün Qara deñiz regionı içün çağıruvdır


Qırımnıñ Rusiye tarafından islâ etilgeni ve Donbasstaki ücümlar bütün Qara deñiz regionı ve dünya telükesizligi içün çağruvdır. Böyle fikirni mayısnıñ 26-nda Odesada İstanbul parkınıñ tantanalı açılış merasiminde Ukraina prezidenti Petro Poroşenko seslendirdi.

«Üç yıl evelsi istilâcı Rusiye, utanmazca Qırımnı basıp alıp ve barışıqsever Ukrainağa şarqtan ücüm etip, bütün dünyadaki ve regiondaki negizlerni bozdı. Kremlniñ böyle siyaseti – bir çağıruvdır. Sadece devletmizniñ mustaqilligi, suvereniteti ve topraq bütünligine çağıruv degil de, global telükesizlikke çağıruvdır, Türkiyege çağıruvdır, bütün Qara deñiz memleketlerine çağıruvdır», – dedi Poroşenko.

O Türkiyege «qattı ve sarsılmaz destek mevamı içün» minnetdarlığını bildirdi.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG