Ukraina milliy havfsızlıq ve mudafaa Şurası Ukraina ve Rusiye arasında yolcu taşılmaması meselesine asla kirişmegen edi, dep bildire Radio Svobodağa SNBO matbuat hızmeti.
«SNBO toplaşuvında Uklraina ve Rusiye arasında yolcu taşılmaması meselesi asla muzakere etilmegen edi... bu mesele daa asla köterilmedi», – dep bildire SNBO matbuat hızmeti.
Mayısnıñ 25-de «Kommersant» neşiri, Ukraina ükümeti 2017 senesi iyülniñ 1-den başlap Ukraina ve Rusiye arasında yolcu taşılmasını kesmege planlaştıra, dep yazğan edi.
«Ukrzalıznıtsya»nıñ matbuat hızmeti bildirgenine köre, kompaniya bu hususta iç bir türlü qarar qabul etmegen eken.
