Link açıqlığı

Rusiye Baş prokuraturası Transparency International Russia yolbaşçısı muavininiñ Poklonskaya aqqında aytqanlarını teşkerecek


Rusiye Baş prokuraturası, Transparency International Rusiyedeki şubesi mudiriniñ muavini İlya Şumanovnıñ, şimdiki künde Rusiye Devlet dumasınıñ deputatı, daa evel Qırım sabıq prokurorı olğan Natalya Poklonskaya aqqında aytqan sözlerini teşkermek niyetinde. Mayısnıñ 25-de bu aqta «RİA KRIM» bildirmekte.

«Muracat yapılğan edi, onıñ içün qanun mucibi baqılacaqtır», – dep bilidre Rusiye Baş prokuraturasınıñ matbuat hızmeti.

Daa evel Natalya Poklonskaya Aleksey Navalnıynıñ (FBK) Qaparcılıqqa qarşı küreş fondınen beraber Transparency International Rusiyedeki şubesiniñ faaliyetleri teşkerilmek kerektir, dep teklif etken edi.

Bundan soñ Transparency International Rusiyedeki şubesi mudiriniñ muavini İlya Şumanov, Poklonskayanıñ faaliyetinen bağlı taqiqat keçirmegeni istegeni aqqında bildirgen edi.

XS
SM
MD
LG