Link açıqlığı

Aqmescitniñ Rus akimiyeti, çetel vatandaşlarğa qarşı 210 memuriy qanun bozuvı aqqında protokol tizilgeni ve 20 ecnebiyniñ Rusiyeden tış çıqarılğanı aqqında haber ete. Olranıñ ekseriyeti – Özbekistan ve Orta Asiyanıñ diger cumhuriyetlerinden kelgen vatandaşlar. Kremlniñ nezaretinde çalışqan Aqmescit memuriyetiniñ matbuat hızmeti, bu insanlar ruhsetsis ticaretnen oğraşqanını bildire.

«Belediyeniñ nezaret hızmetleri er kün qanunsız ticaretke qarşı areket alıp bara. Başqa devletniñ vatandaşı olıp, bulunğanı memleketniñ qanunlarına riayet etmegen, basqıncı kibi davranıp, eñ çoq qanun bozğan şahıslarğa qarşı malümatlar bütün operativ hızmetlerge yollanıla ve olarnıñ quvulmalarıda dair tedbirler alına», – dedi Yüriy Bravnikov, Kremlniñ nezaretinde çalışqan memuriy-tehnik nezaret bölüginiñ müdiri.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG